拍賀歲片《臨時決鬥》　Gigi娜姐丹妮學泰拳

【點新聞報道】2025農曆新年賀歲電影《臨時決鬥》，由《臨時劫案》導演麥啟光率領古天樂、梁詠琪、王丹妮、胡子彤、張文傑、周秀娜、陳湛文、伍允龍、楊詩敏（蝦頭）、陳楨怡及吳梓熙等演出。多位女主角早前更接受集訓，鍛練泰拳應付拳拳到肉的狠勁演出。

從未接觸拳擊運動的梁詠琪，首次戴上拳套學習泰拳，Gigi說：「今次為新戲學打拳，自己從來都冇學過打拳，對於我這位初學者來講確係有啲唔慣，要打人又要俾人打，要適應個節奏，其實都幾攰。」Gigi笑言今次參與速成班，萬一生活上遇到色狼亦可以保護自己，她說：「訓練主要係練習對打時起碼識得保自己，今次其實俾人打多，要練習點樣俾人打，盡量令自己唔好受傷。」

接受密集訓練的王丹妮指自己體能明顯進步，王丹妮說：「自己有一段時間沒有爆汗的運動量，想唔到搞笑賀歲片，原來打拳係咁認真。之前跟武指師傅學過少許動作，但今次發覺泰拳同之前所學的有很大分別，有很多步驟要重新再學，但感覺快上手。」

有學習kick boxing的周秀娜，今次拍攝初接觸泰拳，周秀娜說：「練泰拳之後發現同kick boxing好唔同，自己都有壓力，預早用一個月時間訓練，又去睇泰拳比賽，因為我要演拳王角色，姿勢、感覺都要好似。」見到周秀娜腳有瘀傷，兼練習致抽筋，她說：「踢沙包踢到腳瘀，而練到腳抽筋，可能自己好緊張，打人的時候會好用力，自己擋時就好緊張，不過平時冇事冇幹都會整親，開工前要練好下盤。」而有學習拳擊經驗的蝦頭表示，之前有接觸過，都應付到演出。

（點新聞特約記者陳惠芳報道）