旺角酒樓疑似呃秤「磅當斤睇」　食客鬧爆無法無天

【點新聞報道】旺角有酒樓海鮮疑似呃秤！一名網民在社交平台分享日前的不快遭遇，指酒樓竟「磅當斤睇」4斤2兩就話5斤，鬧爆「香港真係無法無天，詐騙滿街無人管無人理！」有網民則籲樓主報海關，「切勿放過奸商」。

該網民在fb群組「飲食黑店大全」發帖指，上星期光顧旺角一間酒樓，點了一隻阿拉斯加蟹，他和職員到水缸邊選蟹秤重，酒樓稱要連托盤計秤，第一次連托盤秤話5斤半，樓主要求攞走個托盤秤多次，職員就話「當5斤啦」。然而，樓主發現對方竟將磅當斤睇，「紅字先係斤，黑字係英磅喎，明明得4斤2兩」。這時，經理惟有死死氣話：「計你4斤4啦，做特價係咁㗎啦！」

樓主質疑「做特價就可以呃秤？最後呃2兩廿幾蚊，算數，豪畀你」，直指「早前有海X呃秤兼換S蟹，估唔到天下烏鴉一樣黑」，鬧爆「香港真係無法無天，詐騙滿街無人管無人理！」從其上載的單據可見，1隻阿拉斯加蟹$799，連兩位茶芥$30，以及加一服費$82.9，埋單合共$912。

帖文引起不少網民熱議，均指酒樓是無良商家，「好多海鮮檔都係咁樣呃人，諗住你唔識睇秤！」、「詐騙，我食隻蟹你秤個盤？磅你當斤？」、「做唔到特價咪唔好做！咁呃人冇下次！」、「唔老實嘅店舖絕不幫襯！」。