移英吳日言物色地方做飲食　網民唔睇好「阿豬阿狗都開得」

【點新聞報道】靠「黃」上位的過氣歌手吳日言，一家五口已移民英國，當初仲聲稱會做全職媽媽「一打三」咁話。然而，她不甘做伸手黨「攤大手板問老公攞錢」，透露最近已開始物色地方，繼續做飲食生意。

吳日言於2016年與圈外男友Barry結婚，婚後育有兩子一女，而為咗「下一代」有更好的教育，幾個月前舉家移民英國，聲稱自己會做全職媽媽。然而，她日前發文話：「可能你以為我嚟到英國，從此過着全職媽媽生活！但其實我熱愛工作㗎！唔想攤大手板問老公攞錢，唔想同社會脫節，唔想冇咗自己生活圈，想繼續做一個在職媽媽。」

她在帖文分享睇舖位的相片，指自己已適應英國活，最近開始物色地方，繼續做飲食生意：「當慢慢適應呢度嘅生活之後，我已經開始物色適合嘅地方，繼續做我嘅飲食生意。選址一定要方便交通，要有座位可以同大家吹嚇水，至於食物方便我仲諗緊，你有啲乜嘢睇法？歡迎交換意見。」

不過，部分在英港人就唔多睇好，「香港人唔會想香港人好，最好開咗都無人知」、「其實好多人都唔係真心想人好，香港人好難服侍的，外國人易搞好多」、「野都未識煮學人開餐廳？阿豬阿狗都開得」、「做飲食好困身無假放，要有心理準備」。