網民荃灣海鮮火鍋店食放題被「趕收工」　發帖怒轟「唔會再去」

【點新聞報道】放題店為了翻台率，通常會限制每位客人的食飯時間。日前，有網民在社交平台發帖，稱荃灣某家海鮮火鍋店的店員因「趕收工」而催事主「食快啲」！此外，還因接近收工時間，餐廳將碗碟和甜品都收起，導致事主遭遇「無碗碟、無食物」的對待，故發帖怒轟。事件引起網民熱議，有網友表示，「Blacklist（黑名單）」、「貼錢買難受」。

事主在Threads上發文，批評位於荃灣的千海水產海鮮火鍋放題服務態度惡劣。事主表示，自己光顧的是限時2小時的即撈海鮮火鍋放題。於晚上9時入座，惟時限未到，就有店員因「趕收工」而催促事主「食快啲」，餐廳的大蝦也在二人入座後停止供應。「首先係食9點，明明係食兩個鐘9點05分入台，撈左一轉大頭蝦之後 但9點10分已經無哂蝦撈」。

隨後，事主指「未夠10點啲人好似趕住收工咁不停收檔，加湯自助區無湯問佢拎，佢叫我哋出去拎，就係出面冇先問佢拎，佢又叫返我出去拎」。到了晚上10時30分，外面的食物和碗碟都已經被收起來，「連拎甜品都同我哋講無碟俾到我哋」「10:45同我地講收工」。事主更指，「我真係燥咗忍唔住同佢講我哋係食九點食兩個鐘，9:05入枱，9:45同我哋講收工會唔會過分咗」。事主稱自己「呢間嘢唔會再去」。

帖文引起網民熱議，有網民認同餐廳質素差，「一開始就根本垃圾，成堆YouTuber去拍片就知乜事」、「食得咁大壓力，唔想貼錢買難受，依家要走出去撈，又要等人洗同劏，兩個鐘行行企企，真係冇咩時間食」、「呢啲限時放題，真係貼錢買難受」。

事後，火鍋店負責人回覆傳媒表示，事主到場當日為試業首兩天，承認海鮮貨源不足，「死口」較多，惟餐廳堅持要提供最新鮮的海鮮給客人，所以大頭蝦在約9時多便未及補貨。另外，自助區部分食物的確會在關店前，提早15分鐘收起以準備清潔，店員亦會在事前知會客人。至於叫事主指被店員無禮要求「食快啲」，負責人則強調店員絕對不會提早在用餐時間結束前催趕客人，不過由於店內枱數較多，店員有機會在關店前30分鐘要求客人先埋單，以方便結算賬目，相信事主和店員在溝通過程中出現誤會。