張敬軒親簽舊碟被放售　物主竟是知名DJ　當事雙方高EQ回應

【點新聞報道】日前有二手唱片店放售張敬軒簽名版舊唱片，不過其上有留言顯示物主是知名電台DJ細So（蘇耀宗）。事件耐人尋味在網上發酵，兩位主角網上高EQ親自回應。

據社交網放售的唱片圖片，張敬軒親筆留言指：「Dear 細So，好多謝你一直以來都支持我嘅音樂！希望你會鍾意呢隻碟！」

細So隨後在社交平台發文回應事件：「多謝各位關心！當日冇得返舊公司搬走我啲CD，後來有同事幫我攞返部分碟。其餘仲有好多一路都放喺直播室，諗住留喺度俾大家用，點知就唔知俾邊個攞咗去賣。如果你要賣，都抹走個名同msg先呀，有我個名唔會值錢啲㗎。」他又表示今時今日也一直支持張敬軒及其音樂。

張敬軒親自回應：「其實我以前喺兩間電台出沒獵獵埋埋都好多其他artist簽畀各位DJ嘅碟。我係出咗名嘅cd大盜，查實呢單嘢係唔係我經手嘅我都唔敢肯定不過應該機會不大，因為我唔係好接受到自己個髮型。我會繼續簽碟畀你，不過都要等我有碟先，好快有好快有。Love you」細So即回：「等你好耐啦，多謝你先！今次我發達啦 love you」。

網民大讚兩人高EQ回應之餘，更關注「好快有碟」的消息，不少網民對張敬軒喊：「係你先好講呀，等你出歌出碟，等到變長頸鹿啦」、「張生又開空頭支票」等等。

（點新聞記者九皋報道）