誤傳BNO免考永居試　移英港人空歡喜

【點新聞報道】近日有移英YouTuber發片聲稱有突發消息，指英國政府突然對BNO政策作出重大更改及豁免，BNO簽證持有人無需證明英語能力和《Life in the UK》測試，隨即令一班移英港人在社交平台起哄，慶祝唔使考試。惟該名YouTuber其後再發片，稱「係一個美麗嘅誤會」，有如一盤冷水照頭淋。不少網民留言嘆「空歡喜一場」，直指「政府而家掠緊水所以冇可能唔使考試」、「而家英國財政咁惡劣，英國政府只會諗辦法令新移民入籍要畀多啲錢，好難豁免。」

港人以「BNO5+1」簽證移民英國，在取得英國身份時便須通過《Life in the UK》考試。惟近日移英YouTuber在其YouTube頻道發片指，早前移英港人發起英國國會聯署運動中，要求給予BNO立即獲得英國公民資格的權利。本月初，內政部就聯署作出回應指，「無意更改法律來授予立即獲得英國公民資格的權利」，並引用《1981年英國國籍法》第4(2)條指申請英國公民的人無需證明英語能力和英國的生活知識，因此毋須通過英國生活測試《Life in the UK》或具備英國語言資格。帖文一出，不少移英港人紛紛留言慶祝唔使考試。點知，開心唔夠幾個鐘，「鬆仔」再發帖話「係可能係一個美麗嘅誤會‼」。

據悉，《Life in the UK》是英國居留人士申請永居（Settlement or Indefinite Leave to Remain）前，必須通過的考試，並非入籍試，同時必須取得英語資格認證。因此，以「BNO5+1」簽證移英人士，必需在第5年之前完成考試並取得合格成績，才可以獲得永久居留資格，繼而在第6年入籍，成為真正的英國公民，如無法取得合格成績意味着現時的簽證需要申請延期居留。

不少移英網民到頭來，一場歡喜一場空，有留言揶揄英國的官方回應「為咗要表達你嘅權利不受影響，但係又要顯示你分外受到眷顧，咪出現呢種矛盾咯」、「呢度樣樣都唔清唔楚，簡單複雜化係英國特色，官方答案係叫市民資詢專業律師」、「英國政府語言藝術真高超，語言水平要求高外，理解分析力要求更高」、「睇得明呢句嘢嘅已經係過咗英文試」。