巾幗4｜蕭正楠「煩擾式宣傳」 黎耀祥一輪嘴舌戰胡定欣
【點新聞報道】《巾幗梟雄之懸崖》（下文簡稱《巾幗4》）昨晚（21日）首播，短短一集已高潮迭起。
以舊上海為故事背景的《巾幗4》，飾演「七爺」鄧桂嬋的胡定欣一開始便遇上危機，要找來擁三寸不爛之舌的柴十七（黎耀祥飾）打救；而巾幗與梟雄惺惺相惜的場口，有連串密集式的精警對白，及男、女主間的唇槍舌劍。祥哥受訪時笑言一輪嘴場口，是《巾幗》系列好拍檔張華標為其度身訂造：「標哥好知我強項，好多時會喺適當時候就番我嘅長處，加番啲好睇位畀我，例如一個人一口氣講四頁紙、一輪嘴去鬧人咁。」
該劇主題曲，是古巨基繼《巾幗2》後再唱主題曲，令網民大感驚喜，並笑言《巾幗》回憶返曬嚟：「其實我都估唔到仲會搵返古巨基依啲有返咁上下份量嘅歌手嚟唱」、「一聽到佢把聲，《巾幗》嘅回憶返曬嚟。」
七爺及柴十七的「丁鈴噹啷極速黃包車」場口，相當刺激。醉酒的七爺與柴十七分別坐上黃包車，然後由車夫極速拉着二人沿樓梯極速向下滑，柴十七全程呼天搶地的狀態與開心大叫的七爺形成強烈對比。祥哥及定欣昨晚於直播期間，透露場口分開兩段拍攝、並拍攝了一整個晚上，劇組更為二人準備了威吔等道具以策安全，祥哥說：「嗰場戲算係少少危險動作，但比想像中好好多且冇咁刺激添！」定欣說：「好在黃包車個底有個位可以畀隻腳撐住，否則你真係覺得會飛出去。」
另新劇及綜藝節目於同日首播的蕭正楠，昨晚連環走訪《東張西望》及《巾幗4》直播現場瞓身宣傳。對於自己近乎雄霸昨晚翡翠台黃金時段，蕭正楠在社交網笑言是另類「煩擾式」宣傳戰術：「唔好意思，今晚會煩到大家，我7:30、8:30、10:30都會喺翡翠台，希望煩到你哋鍾意。」
（點新聞特約記者陳惠芳報道）
相關閱讀：
