ATM爆罵戰！大媽佔用提款機被大叔斥自私

【點新聞報道】雖然網上銀行服務日見方便，但仍有不少人到櫃員機提存。近日有網民在社交平台發布影片，指有大媽與大叔因櫃員機ATM使用時間太長起爭執，引起網民熱議。

該名網民近日在社交平台Threads發布影片，寫道「排下隊，撳下機，嗌下交」。從影片可見，正在使用櫃員機的大叔，轉身指罵剛使用完櫃員機準備離開的大媽，指責她佔用櫃員機時間太久，大媽即回嗆：「咁你排隊排喺我後面，我無辦法㗎」，男子即叫大媽應再排隊，怒斥「好X自私」。其後雙方爆粗掀起罵戰，大叔再爆粗鬧大媽「得啦你含X啦，你行街啦你」。

不過，大媽未有退縮，指着銀行的閉路電視，「你唔該唔好講粗口啦，影住你㗎」，2人又互叫對方「報警吖」。大叔又繼續爆粗罵大媽，「走啦你，老XX」，大媽質問道「咩八婆啊？講啦影住你，你覺得講粗口好威咩？」大叔稱「我覺得好威喎」。最後，大媽以一句作結及離開，「（講粗口）係有失你身份，影低你自己啫，低下階層」，影片完結。

帖文引起不少網民熱議，有網民撐大叔，「支持阿哥，啲阿嬸用ATM特別慢同麻煩」、「排atm千祈唔可以排女人後面，特別中年女人」、「多數都係一次過入幾次卡個啲人」；亦有人認為大叔用粗口鬧人無品，「雖然唔知上文下理 睇嗌交呢段我撐阿姐」、「佢係恰女人仔啫，對方係麻甩佬咪要開拖？」。