尾場子女上台　黎瑞恩全家福勁溫馨

【點新聞報道】黎瑞恩《V Union恩賞·演唱會2024》一連兩日在西九舉行，來到尾場（10月20日）的她狀態大勇，交出200%努力，最後她多謝大家多年來的不離不棄，感觸落淚。

第二晚繼續有黎瑞恩和女兒Sheree以粉紅孖公仔姿態現身，伴隨超過20位舞蹈員唱跳《心急人上》和《美少女戰士》，合拍程度更勝第一場，贏得全場掌聲。黎瑞恩表示：「囡囡發覺原來做歌手好辛苦，要記歌詞和舞步，雖然好喜歡唱歌跳舞，不過唔會出道，都係做返同而家讀書有關嘅職業會舒服啲。」緊接黎瑞恩邀請兒子一同到台上，三人一同跟台下觀眾大合照，場面溫馨。

來到安歌環節，黎瑞恩表示：「有幾多次encore就睇下大家叫得幾大聲。」她笑言隔籬飯香，喜歡唱其他人的歌，所以歌迷點的歌她今晚都唱給大家聽，《愛你會是多淒美》、《豐彩依然》、《等到今夜》等。當演唱《雲上的日子》時，黎瑞恩感動萬分，「過了咁多年大家仲對我咁好，仲咁支持我。今日唔知聽日事，唔知仲有冇機會同大家唱歌。今次演唱會的歌單我好喜歡，希望喺你哋嘅生命裏面，曾經有呢個演唱會出現留下印象。」

黎瑞恩鼓勵大家將心意轉化為愛心善款捐款予「快樂港仁」，10月是「世界中風月」，是次捐款幫助中風的病人可以接受免費針灸治療，造就更多健康快樂香港人。是次演唱會一共籌得20萬善款。

（點新聞特約記者陳惠芳報道）