冰室經理熱心禮貌又主動　港男拍片表揚網民點讚

【點新聞報道】「做多一步，好客之道」，有港男日前到慈雲山一間冰室光顧時，遇到一名服務周到的經理，「熱心、又好笑容、又有禮貌、又主動」，個個客人都笑着離開店舖，非常抵讚「值得表揚」。

該名港男在社交平台Threads上以「邊個話香港冇服務㗎?」為題發文，表示日前到慈雲山一間冰室吃午膳，遇到一位服務好到值得表揚的男經理，大讚他「我直程（情）有啲淚光，又熱心，又好笑容，又有禮貌，又主動」，樓主笑言「雖然啲嘢唔係話好好食，但個個客食完都笑着走！」

從樓主上載的影片可見，男店員站在收銀櫃位，會熱情歡迎進店的客人，為客人引路，雖然戴着口罩，亦感到他笑容滿面，客人結賬時，會雙手遞上收據，客人離開時，他都會揮手「拜拜」，並舉起大拇指。

帖文引來不少網民熱議，留言「萬中無一」、「咪係，其實唔使好似死狗咁嘅！和顏悅色，親切笑容，大家都舒服」、「呢啲係咪叫做人情味呢？」、「所以『以禮行先』實冇衰」。樓主回應網民留言時，表示「咁服務好都要讚吓嘅！」，認為「禮貌待人大家互相尊重，做人都會開心啲」、「見到好係要讚吓！香港太多負面嘢啦！」

有同樣光顧過的網民都贊同「佢係經理嚟」、「佢係幾好幾nice㗎，我都成日幫襯見佢對好多客人都有禮貌又耐心」、「呢間真係好禮貌，食過幾次個個收銀都勁好！」、「OMG呢間超好嗰陣買單個姨姨仲送雪糕比我哋，跟住嗰陣落勁大雨冇帶遮嗰姨姨比咗把我哋，香港依家好少咁好服務呢啲先真心要撐」。