外籍男踩風火輪屯門公路飛馳　網民斥嫌命長累街坊

【點新聞報道】近日有人公然於屯門公路踩風火輪飛馳，險象環生。有網民昨晚發現一名外籍男子踏「風火輪」於屯門公路行走，直指「真係好牙煙，夜媽媽咁黑，咁樣踩個風火輪行公路，有咩事上嚟，駕駛者多得佢唔少」，並表示已報警處理。

該名網民昨日在社交平台Threads上載影片，表示「岩岩喺屯門公路見到無敵風火輪」，指「其實我原本留意唔到佢，係男朋友突然大嗌話痴線，之後我望真啲先見到，佢真係好牙煙，夜媽媽咁黑，咁樣踩個風火輪行公路，有咩事上黎，駕駛者多得佢唔少，同埋佢自己既行為都好自私」。從影片可見，一名外籍男子腳踏「風火輪」於路肩奔馳，可見有齊前後燈，皮帶掛有閃燈，右手亮起電筒指向前方。

影片引起網民熱議，紛紛指責該名男子，「嫌命長，累街坊」、「千祈唔好跌呀！仆出馬路就害死人！！！」、「真係黐Ｘ線」、「等比人拉」、「個死字真係唔知點寫啊」「成段屯公咁長都遇唔到警察，佢都幾好嘢，比佢摸清晒啲更表」、「慳唔少車錢」。

根據現時法例，電動滑板車、電動單車及風火輪等電動移動工具被歸類為「汽車」，運輸署指出，這些電動移動工具不能與一般汽車共用馬路，亦不適合在行人道上使用；而任何人在道路、行人路及單車徑上使用未經登記及領牌的電動可移動工具，均屬違法。