雯雯呻被追數逼到埋牆　連一家飯錢都被呃埋

【點新聞報道】張致恒(Steven)與太太區燕雯（雯雯）一家六口長期財困，即使Steven到地盤做「職安真漢子」後，經濟狀況似乎未有起色，雯雯昨日再因錢銀問題連環爆seed，呻被人追數追到逼埋牆，一家的食飯錢都畀人呃埋，更透露有輕生的念頭。

雯雯昨日在ig限時動態連環發文，表示「最窮、最折墮，面臨冇屋住、冇飯開，生存唔到時，已經最乞丐，你要我哋還錢可以直接講，但唔係用啲咁嘅手段，當初你自願主動幫我一家無限感激，但你最後用咁嘅手段，一家嘅食飯錢都畀你呃埋！」她之後再發文寫道：「唔係逼到埋牆，冇人會出嚟乞，5年，我真係好攰好厭！」

其後，雯雯選用黑底色白字再發文，透露有輕生念頭：「如果有人可以令我放心，放下小朋友，你估我唔想去搵肥妹（已故愛貓），我真係好掛住肥妹！」