公屋單位裝5部冷氣機惹猜測　網民：種大麻又話你知

【點新聞報道】天氣炎熱，開冷氣消暑唔出奇，然而有公屋住戶竟然在單位裝設5部冷氣機。不少網民議論紛紛，猜測該單位是「低溫處理工場」、「礦房」、「種大麻」，又或是院舍、幼稚園等設施。

有網民在fb群組「公屋討論區」上載相片，並寫道：「5陪（部）？」從照片可見，位於2樓的單位，在窗戶內的左右兩邊各裝有2部冷氣機，另在窗台右邊再裝有1部冷氣機。

相片引起網民熱議，猜測該單位是「低溫處理工場」、「礦房」、「種大麻又話你知」；亦有估「會唔會係全層院舍或什麼中心！」、「應該係院舍之類」、「係咪下面幼稚園㗎？」。有人笑言「裝五部真係好勁」、「唔使開窗」。

有網民質疑裝5部冷氣機可能會唔夠電力，「如果五部齊開，一個單位何來有咁大電壓供應？ 一定會跳掣！」、「正常唔會同時開吧，3部應可以」、「房署不容許裝這麼多部，現在裝機都要申報，五部電力供應很勉強」。