李思捷有個廚神媽媽　相隔12年出山擔任星級試食員

【點新聞報道】煮食節目《家常便飯爭霸戰》由薛家燕、冼靖峰（Archie）、關楓馨、阮浩棕擔任主持，粵菜名廚「三姐」蕭秀香擔任終極評審，昨晚（19日）一集最大的亮點非李思捷和媽媽馮筱儀莫屬，李媽媽12年前曾於節目《為食台住家廚神終極戰》勇奪冠軍，並有「香港廚神」之稱。

家燕姐笑言思捷自小便有口福，思捷直認不諱：「我由細到大都係食好嘢，佢好鍾意搞Party請大家食嘢。」李媽媽即自爆曾炮製80人大餐，引得全場嘩然。比賽期間，家燕姐大讚思捷靚仔，思捷見到媽媽偷笑，李媽媽解釋：「係好開心有人讚你靚仔。」

思捷於昨晚一集化身月老，他見27歲的黃永光未婚又識煮飯，思捷即問到主持關楓馨：「關小姐，佢係咪你個type嚟？」關楓馨大派檸檬：「我最愛都係爸爸（關禮傑），唔好問啲咁尷尬問題！」另邊廂，黃永光聞言已經怕醜到面都紅曬，場面搞笑。

去到試食環節，關楓馨問到女仔識煮飯會否加分？李媽媽教路：「識煮嘢食梗係好啲，同老公嘅關係都會更加好。」家燕姐則自爆戀愛史：「我拍拖時男朋友問我鍾意啲咩，我話唱歌跳舞，佢聽完望住我，但個樣一啲都唔開心，問我你識唔識煮飯，我話梗係唔識啦，我以為好小事，佢個樣直情係愕咗然咁，原來煮飯對佢哋嚟講係咁重要，之後我即刻扚起心肝學煮餸，仲要攞獎！」

至於Archie被問到揀另一半要靚女還是要識煮飯時，Archie向李媽媽求救，李媽媽說：「如果你揀個靚嘅，就唔好理佢識唔識煮。」Archie聞言即說：「其實我可以揀食外賣！」

（點新聞特約記者陳惠芳報道）