《贖夢》入圍歐洲影展 張家輝《重生》內地票房逆轉登頂
【點新聞報道】影帝張家輝主演的電影《重生》在內地票房報捷，成為今個暑假檔最強黑馬。
該片於9月4日以超過560萬人民幣的成績，首次登上內地單日票房冠軍寶座，強勢逆襲荷里活大片《異形：羅穆盧斯》（Alien: Romulus）。對於《重生》能夠後來居上奪冠，家輝大感開心：「當然好興奮，今次係第二次與馬浴柯導演合作，默契度比上一次更高，合作得相當愉快。今次能夠喺咁冷嘅票房氣氛下得到咁嘅成績，簡直可以話係殺出條血路！感謝台前幕後付出嘅努力。」家輝今次戲中角色搶鏡，形象多變，當中演毒梟狂妄私生子，一頭金髮配搭血疤的造型被網民大讚，演出片段更在網上熱傳，點擊率節節上升。
至於家輝自導自演新作《贖夢》同時傳來佳訊，宣布入圍三大海外影展，包括德國奇幻電影節（Fantasy Filmfest），英國曼徹斯特Grimmfest電影節，及巴黎詭奇電影節（L'Étrange Festival）競賽單元，家輝興奮表示：「我一直都希望喺我嘅工作上可以作出多變，無論題材、角色及造型，都希望從中可以搵到創作嘅新鮮感，而《重生》中扮演一個為復仇嘅亡命之徒及《贖夢》嘅精神病患者，兩個角色都能夠滿足到我演戲嘅慾望！不過，該片獲得咁多海外影展賞識，反而令我增添壓力，唯恐老外喜歡，但華人地區卻水土不服！哈哈！但壓力又往往係自我推動嘅能源！高興吧、隨緣吧！」
（點新聞特約記者陳惠芳報道）
相關報道：
