港女搭港鐵不適無讓座　慘遭男童怒睥罵「衰格」

讓座問題不時惹起爭議，有女網民發文指，日前搭港鐵上班時，因身體不適，見上前方座位有乘客下車，便順勢坐下。豈料，惹來車上的一名男童高聲罵她「衰格」，仲話「佢唔讓位俾我，我宜家睥住佢」。然而，男童父母聽罷只是回覆「你唔夠人快囉」，令樓主氣憤不已。

該名女網民在社交平台threads發帖，指當天搭乘西鐵（現稱屯馬綫）上班時，原本站立車廂中間，直至前方座位乘客下車，便順勢坐下。豈料，一名相隔約4個人身位的男童突然大聲指責她「真係好衰格」、「唔讓位俾我，我宜家睥住佢」。

然而，男童父母聽言後只是回覆「你唔夠人快囉」，樓主質疑對方家教有問題，批評男童無禮貌，「老奉要讓㗎咩？」、「本身我想讓㗎，但我聽到呢句，打死都唔讓」。她表示，當時正值經期來臨第一天，本已覺得疲憊不已，還要面對被人指責不讓座，大呻「殺咗我算啦」。

不少網民均批評該對父母和男童「無家教」，「讓乜？畀足車費」、「未聽過要讓座畀小朋友喎」、「情緒勒索係無用」、「小朋友行為品格如何，就已經睇得出父母係點樣嘅人」。