猜猜我是誰｜已故足球評述員作風獨特 節目懷緬阿叔講波經
【點新聞報道】由方東昇及黃曉瑩攜手炮製《猜猜我是誰》，為配合奧運熱潮，推出一共11集以「運動」為主題的系列。近日一眾無綫奧運主持及專業評述不斷迎來好評，當中尤以元老級奧運主持鍾志光（鍾仔）、巴黎特派專員何振然、方力申、及「奧運之星」黃庭鋒最受關注。而在網民派Like致敬的同時，不少人均留言表示懷念已故殿堂級足球評述員林尚義（阿叔）的獨特講波Style，昨晚一集主角正是曾無數次與鍾仔同框的阿叔，節目與大家懷緬阿叔的講波經。
節目中重播阿叔與薛家燕跳唱「女殺手」、及與沈殿霞（肥姐）拍劇的珍貴片段，還回顧了阿叔的體育生涯威水史及其連串金句。以生動有趣、有嗰句講嗰句見稱的阿叔，九十年代起活躍於影視圈，亦是知名足球評述員，講波生涯超過20年。在加入影視圈前，阿叔是著名足球運動員，曾效力東方、傑志、流浪，更於1958年東京亞運足球項目中勇奪過金牌，為港爭光。
節目剪輯了2006年《新聞透視》的阿叔專訪，談到講波心得，阿叔表示絕不會講述任何資料，更有趣的是，當年為阿叔代勞的正是「萬能鍾」鍾仔。阿叔說：「我叫阿鍾仔講呀，我唔講喇，我嚟講波，我唔係嚟講資料架！」除了不提資料，阿叔講波另一大原則是不談賠率：「我覺得好冇意思，你教人賭波，我根本就唔喜歡人賭波。」極有主見阿叔更大拋豪氣Bite：「我打咗21年波，有咩我唔夠膽講？！」節目還找來當年阿叔與林敏驄同框惡搞「巴士阿叔」的經典片段，阿叔更借「巴士阿叔」這個角色，大談講波心經：「唔受得壓力點講波呀？！場場精華，早晚直擊！你哋睇波嘅需求，解決咗喇，解決咗喇。」
（點新聞特約記者陳惠芳報道）
相關報道：
