《贖夢》大馬首映 張家輝分享會疑袁富華非好人
【點新聞報道】張家輝早前飛抵吉隆坡，出席第7屆馬來西亞國際電影節（MIFFest），接受大會頒發的「卓越電影成就獎」，其執導及主演的《贖夢》亦成為電影節的閉幕電影。
《贖夢》的三場放映會全院滿座，家輝抵達戲院就受到影迷們夾道歡迎，更跟大家握手打招呼。家輝等到完場再聯同Ben哥及Brian一同現身映後分享會，他感謝一眾演員出色演出，當提到身旁的Ben哥，家輝笑指他演負面人物入型入格：「佢做到我成日都問佢，我話喂……你真係好衰呀，我話其實你真人嘅性格唔係噉㗎？我話你其實係咪變態㗎？我話我成日覺得你係推阿婆出馬路嗰啲人嚟㗎，哈哈哈。佢話唔係㗎，我冇推過阿婆出馬路啊噉樣咯，即係佢好安份去演好個角色啊。」
Ben哥表示第一次收到家輝邀演時覺得受寵若驚，又指對這個導演又愛又恨：「佢拍我時候佢全力做佢導演嘅工作，佢寫到個角色好清晰，令到我發揮好得心應手，但恨嘅就係佢好似好想，挖我啲陰暗面出嚟，一啲不為人知嘅嘢，佢成日都話我係個好殘暴嘅人嚟，我話唔係呀，我係一個好人嚟㗎！」家輝最後還笑着祝福大家：「睇完唔好發惡夢呀！」
（點新聞特約記者陳惠芳報道）
相關報道：
