開騷帶謝雅兒合唱　鄭秀文大讚鄧麗欣「蜜桃臀」

【點新聞報道】鄭秀文（Sammi）日前（17日）第五場演唱會，邀請第42屆香港電影金像獎「最佳原唱歌曲」得獎電影《填詞L》主題曲《填詞魂》的作曲兼主唱者謝雅兒，擔任表演嘉賓。

Sammi身穿香檳色水晶高級訂製晚裝登場並介紹謝雅兒出場，雅兒說：「阿媽，我得咗啦！」全場歡呼。Sammi攬住她說：「嘩，你緊張到成個人震晒，起晒雞皮！唔使驚，大家都會支持你，每個人都有做過新人嘅階段，每個人都需要被肯定、被認可，今晚舞台就同你分享，希望你盡情展現自己。」即使Sammi的長裙不便走動，但她仍不理儀態一手抽起裙擺，一手拖住雅兒在舞台合唱。之後雅兒激動感謝Sammi提攜，並說：「我細個屋企比較窮，只收藏一隻唱片，就係Sammi嘅《終身美麗》。我媽媽而家應該喊晒！」Sammi開心表示：「你咁有taste，所以今晚得到呢個機會。今年金像獎頒獎禮見到你攞獎我好感動，諗返我自己喺金像獎呢個旅途上都掙扎咗好多年，你都唔好放棄。」

而昨晚（19日）第六場演唱會，其中Sammi回顧過去十次提名而落選金像獎「最佳女主角獎」的電影歌曲和感言時，觀眾席上梁詠琪感動落淚。Sammi昨晚又換新裝，她穿着特別訂造的紫色長裙，介紹表演嘉賓鄧麗欣（Stephy）出場合唱，唱畢Sammi笑她有新封號說：「你而家叫『蜜桃臀』喎，咁勁嘅，係咪執過嚟？（我要學你嘛）我邊有？我巨臂、我大隻嘛！（我練錯咗地方）」兩人大笑。她們雖然工作上幾乎沒有交流，但私下卻經常IG私訊分享飲食喜好。Sammi拿出禮物盒說：「平時係嘉賓送禮物畀我，但我今日有嘢送畀你。你同我一樣好鍾意食啲又脆又乾嘅嘢，又唔鍾意飲水，濕嘅嘢、有汁嘅嘢我唔鍾意食。」原來是一串Sammi親手製作的水泡餅頸鏈，還即場替她戴上說：「係咪好有心思？我親手揀、親手串，搞成晚㗎啦！」她好欣賞說：「中間有窿嗰啲特別好食㗎！」Sammi鼓勵她：「聽講你復出唱返歌，大家畀多啲掌聲！」

完騷後，Sammi走出紅館與歌迷打招呼，還替他們帶來的新唱片《SOUND OF MI》簽名，然後來回跑向逾百歌迷講晚安，場面熱鬧。

（點新聞特約記者陳惠芳報道）