的士司機「唔識路」要開地圖指路　港媽嬲爆：每次搭的士好似欠咗佢哋咁

搭的士都是想更快到達目的地，不過近日有港媽發文指，原本只約7分鐘的車程，的士司機說「唔識路」，她開Google Map為其指路，對方就全程左問右問，但其實司機車頭有部電話正打開地圖APP，令港媽不滿：「每次搭的士好似欠咗佢哋咁，地點唔啱心水幾乎要道歉講對唔住錢就要照畀」。

該名港媽在親子王國討論區以「的士司機話唔識路」為題發文，表示她早前訂購了醫療用品，要在中午前由辦公室去取貨，由於地點不近地鐵站，於是選擇搭的士，Google Map顯示7分鐘可到。點知，樓主登上的士後，「司機大哥話唔識路」，她展示Google地圖的路線，司機仍左問右問。

樓主憶述當下雙方對話：「我態度不愠不火話：『乜依家搭的士個客要識路先可以搭，會唔會好大壓力？！』」司機回應：「唔係，只係唔識全港所有路。」樓主就說：「我開個google map睇，你都可以啊。」，並心想「又要投訴Uber搶生意，的士又唔識路，咁你哋想點啫」。

樓主續指，司機右手邊車頭已有部手機，開了地圖APP，「佢唔睇佢個apps，睇我部電話google map話唔識路」。樓主直指，搭的士作為乘客的迷思，「我唔識揸車，平時用google map係搭公共交通或行路用，所以叫我帶車路真心驚」。不過，幸好司機態度良好，「都無火嘅，唯一安慰」。

對於有網民認為「司機話唔識路咪落車，做乜搞到咁複雜」，樓主回應指，「我喺的士站截，你肯定後面嗰架識路？而且作為司機，一次唔識，去過咪識囉」、「遠又話遠，近又話近無肉食，好難就」、「每次搭的士好似欠咗佢哋咁，地點唔啱心水幾乎要道歉講對唔住錢就要照畀」。