《反黑英雄》騰訊熱度破紀錄 山聰沛珈抗年齡差甜蜜蜜
![](https://dw-media.dotdotnews.com/dams/product/image/202406/26/667bb907e4b0fd6f3f0160fb.jpg)
【點新聞報道】由騰訊視頻和TVB聯合製作的警匪劇《反黑英雄》昨晚(25日)播出第二集,飾演英文補習老師的何沛珈(Roxanne)正式登場,這次她飾演陳山聰的女友,兩人更加抗「年齡差」,在劇中有無限甜蜜互動。
有細心的網友發現山聰在劇中的便服造型,全是日本潮流品牌,更發現他所穿的是限量版波鞋,亦經常在其社交網「閃現」,難怪獲網友大讚是「潮流教父」。問到首次與視帝山聰合演情侶有否乘機偷師,Roxanne受訪時說:「因為我本身性格比較硬朗,所以喺某啲位嘅演繹會硬咗啲,山聰就建議我可以撒嬌多啲。」提到與山聰有不少甜蜜互動鏡頭,Roxanne透露:「因為我哋一開始就要拍咗屋企戲先,所以都冇太多時間Warm Up,就要開始拍最親密嘅大部分戲。逢係一啲親密啲嘅接觸戲,我哋排戲時都會事先溝通好,所以冇好尷尬同緊張,反而最驚係有一場臨時加戲要山聰抱起我,我好驚我太重責親佢!」
![](https://dw-media.dotdotnews.com/dams/product/image/202406/26/667bb961e4b0fd6f3f01612b.jpg)
Roxanne的家居Look亦是網友焦點所在,她換上墨綠色和粉紅色小背心,加上家居短褲盡騷招牌長腿,大晒Fit爆身材兼青春活力面,成為網友焦點,Roxanne亦大方分享修身之道:「除咗做運動,一定要注重按摩同埋拉筋,我自己每日都會用滾輪按摩小腿同大腿,我連拍劇都會帶埋去,係有少少癲嘅,每日按15分鐘至20分鐘,如果有多啲嘅時間我就會按摩加拉筋成個鐘。第二就係要多啲飲水,飲水唔係會引起水腫,而係會幫你消腫,每日最少2公升;第三就係唔好貪啲嘢好食就瘋狂咁食,要有節制!」
![](https://dw-media.dotdotnews.com/dams/product/image/202406/26/667bb9fce4b0fd6f3f016155.jpg)
此外,本周一(24日)首播的《反黑英雄》在內地熱爆,微博話題「#反黑英雄#」、「#反黑英雄全員找光#」、「#反黑英雄港風型男好多#」分別勁吸1.1億、5310萬和5295萬閱讀量,合計約2.16億閱讀量,成績斐然。另昨晚《反黑英雄》在騰訊視頻站內熱度值衝破2萬,破了港劇在騰訊的歴史紀錄。
(點新聞特約記者陳惠芳報道)
相關報道: