荃灣雙拼燒味飯只售$18　網民大讚無可挑剔

啖啖肉，夠哂大件夾抵食！有網民在網上分享，荃灣一間燒味店出售的燒鴨叉燒飯，僅售18元，大讚「叉燒真心又淋又好味」，形容是「窮人恩物」。不少網民紛紛大讚，「18蚊做到咁嘅程度無可挑剔」。

該名網民在fb群組「香港茶餐廳及美食關注組」分享，荃灣楊屋道街市附近，位於川龍街的「朗益燒味工房」購買了一份燒鴨叉燒飯，售價只是18元。從其上載的相片可見，叉燒燒鴨飯色澤誘人，還有隻鴨脾，賣相不錯。

不少網民紛紛大讚，「冇得挑剔不單止，直頭靚啦」、「正喎，仲斬埋隻鴨脾」、「良心價」、「經濟不景下嘅窮人恩物」、「你一定係靚女，師傅見係靚女俾隻脾你嘆下，等你多d黎買」。

有幫襯過的網民亦分享指，「我都食過叉油雞好多肉+飯」、「上星期18蚊買盒切雞飯、打開看、嘩成隻大片雞脾、正」、「係有可能㗎，我試過下午2點幾去買，燒肉飯，打開嚟食，是燒腩仲有肉汁」、「我成日去買，又平又好食」。