點聞1分鐘｜北上睇牙質素參差　小心留意個人權益

【點新聞報道】港人北上深圳消遣，多了人順便睇牙。貪平、貪快、貪方便，就暗藏風險。

消委會收到投訴，稱當事人被本地牙科診所轉介到深圳磨牙，但現實預期與效果差天共地。

坊間時有聽聞，深圳牙醫「以結果為目標」，洗牙、植牙、剝智慧齒，全部做好。但原來基本感染控制措施沒有做好，導致病人受細菌感染。

消委會提醒，內地的監管制度有別於香港，在內地睇牙出問題，就要向內地醫療衞生部門投訴。