傳被黃潤成追求 莊子璇否認：大家好friend
【點新聞報道】應屆港姐冠軍莊子璇（Hilary）、亞軍王怡然（Lynn）及郭珮文（Juliana）昨日（6日）出席《2024香港小姐競選》「全球招募最後召集」記者會。以胸前開窿裝上陣的Hilary，非常性感。一直身材豐滿的Juliana卻封胸作密實打扮。
曾爆自己有社恐的Juliana認為參選港姐後醒目不少，社恐亦有所改善。說到日前性感參加濕身音樂節，這次打扮相對密實。她說：「適當場合着適當嘅衫，當日現場都有好多女仔着Bra Top加短褲。（你當日着長褲已算密實？）係呀！（今日Hilary都性感？）我聽講今日要求Smart Casual，我以為咁樣就係。」至於當日同行的無綫男藝人黃潤成是否為追求者？她即否認：「係公司同事，大家好Friend。」
即將有劇拍的Hilary，今日性感上陣，她笑言：「件衫係贊助，有其他選擇但款式都係差唔多，我鍾意條裙嘅下擺，但上面個窿我想縫埋佢，不過係贊助，所以冇得改動。」隨後又笑言港姐競選當日自己並非主角，到時可以將個窿縫起，到時卸任晚裝仍未有頭緒，但最苦惱還是卸任講詞大會安排一分鐘，太多說話都講不到。
至於亞軍Lynn雖已當選近一年，但廣東話仍有待改善，在台上將「肥」講成「廢」。提議她識個香港男友學廣東話時，她笑言已有好多香港的女生朋友。問到會否提議好友參選港姐？她說：「我唔係好主動問佢哋，但如果佢哋想，我會好支持同畀意見。（佢哋見到你之前有負面新聞，咁大壓力會唔會驚咗？）每個人都唔同。而被問到父母補習社走數風波是否已處理好，Lynn即「封嘴」拒絕回應。
（點新聞特約記者陳惠芳報道）
相關報道：
