黃圈窮途末路　又有黃店執笠

不少黃店都難逃執笠命運！柴灣興華茶餐廳日前在社交平台宣布將於7月31日結業。有網民直指「間茶餐廳污污糟糟咁，入到去都轉番出來」、「食理念嘅嘢，我識條鐵咩」、「都喺嗰句，做得差同市道好唔好喺無關係的！」

開業46年嘅柴灣興華茶餐廳在官方社交平台上表示，7月31號將會租約期滿，而老闆娘同埋做咗10幾年嘅師傅年事已高，所以決定退休「嘆世界」並結束營業。興華茶餐廳由開業至今的裝修都大致一樣，地磚、大門、鐵閘、玻璃均沿用至今。

上月老闆娘生日，餐廳曾發文指，以前餐廳只會有村內同埋附近嘅街坊朋友幫襯，營運模式亦都比較簡單，直至近幾年，阿仔「搞亂檔」令到好多熟口熟面嘅街坊都冇再嚟幫襯。