為DSE同學加油　灣仔餐廳下午變免費自修室

又到了考試季節，中學文憑試（DSE）本月開考，相信各位應屆考生正努力備戰。一間位於灣仔的餐廳就宣布，下午茶時段將場地免費借予學生溫習，出示學生證更可獲免費餐飲。不少網民都大讚老板此舉「好有愛」、「好窩心」、「老板，你真好」，同時亦留言為考生打氣「DSE 同學加油」、「加油啊，各位同學仔」。

餐廳「ULURU」在社交平台發文表示，「各位DSE同學仔，關心一下你哋有冇地方溫書，如果冇，我哋借個地方比你溫書」，指「下午時段勁安靜，地方又大，大把位橫掂都係，試吓做免費自修室比你盡情溫書只要你出示學生證上嚟溫書」，另外不論任可年紀只要出示學生證更可獲得免費飲品及甜品。

餐廳表示，「真心支持你你同你，所有嘢都免費」、「唔使擔心，上嚟溫書，上嚟做project，想陪你一齊渡過呢一關」、「各位同學仔加油，我地都會繼續為大家打氣，一齊努力行將來嘅路」。

帖文獲不少網民點讚，「借地方已經好好，仲免費又飲又食」、「很好的安排，非常窩心」、「一間咁有愛嘅餐廳，值得大大力幫襯支持，老闆好有愛」。有網民亦給考生留「大家要俾心機讀書」、「考生加油！」