港男幫襯茶餐廳被多收$1　 網民：「收費項目越黎越新奇」

茶餐廳一般不會收取服務費，不過近日有網民在討論區發文，表示早前光顧了一間茶餐廳，看到帳單時卻發現被多收1元，事主直言沒有怪責餐廳的意思，只是好奇而已。帖文引起不少網民熱議「收費項目越嚟越新奇」。

該名網民在連登討論區以「呢d飲食生態係咪香港獨有」為題發帖，表示日前在香港一間茶餐廳用膳，從事主張貼出的收據可見，當日點了一個下午茶餐，包括咖喱牛腩湯（公仔麵）連一杯凍檸茶，合共$41，額外加$5配單面煎蛋，惟總數卻顯示$47，「我見到張單咁，問佢$41+$5唔係$46咩？」

餐廳職員再為事主出過另一張收據，可見點菜總數$46、「服務費」$0.5及「找零差額」$0.5，故總數合共$47，並一稱「下午茶唔使加一，但加嗰隻蛋要加一。」

事主利申指，「嗰一蚊真係唔算啲咩」，自己真係冇諗住責怪餐廳，「只係覺得件事幾好笑分享下 」，他稱「單純自己做左幾廿年人第一次見人咁樣收費」，又話「只係好好奇，係香港以外嘅地方有冇呢種營運模式」。

帖文引起不少網民熱議，「找零差額咩意思，見識少第一次見」、「收費項目越嚟越新奇」、「咁都變多一蚊出嚟」、「四捨五入？」」、你唔想收毫子點解要我比多啲」。不過，有網民認為「如果你一早知47蚊，你咪一樣會嗌，你真係care一蚊咩？」、「你何嘗唔係咁小家為咗一蚊出post」。