神還原？王祖藍相隔10年升呢扮《金手指》版梁朝偉
【點新聞報道】由阮兆祥、李思捷、王祖藍主持的《福祿壽訓練學院》是香港首個扮嘢真人Show。據知採用淘汰賽制，為了緩和緊張氣氛，製作組找來兩名「傻大姐」擔任「扮工室助理」，二人就是同為港姐出身的郭珮文（Juliana）及陳懿德（Rachel）。經過超過為期半年招募，製作組最終在數百名海選參賽者中，精挑細選最終極別具扮嘢潛能的入圍者接受福祿壽三子悉心調較，爭奪成為扮嘢接班人。
相隔六年再度合體，三子單為節目片頭也絞盡腦汁。為了令觀眾「易入口得嚟又有新鮮感」，三子最終將經典造型重新包裝升呢2.0version，祥師兄扮演黃偉文、肥姐；祖藍扮演《金手指》版梁朝偉、鍾景輝；思捷扮演鄭少秋及特朗普。其中「黃偉文」及「《金手指》版梁朝偉」造型相當突出，架上墨鏡、黐了羊咩鬚的祥師兄、配以Shocking Pink浮誇衣着及重型首飾依然甚有睇頭；至於祖藍的「《金手指》版梁朝偉」除了髮型及造型抄到足，祖藍更神還原了偉仔片中其中一個經典表情。
由於祖藍2014年曾扮梁朝偉獻唱《你是如此難以忘記》，當時祖藍在MV中的「電眼」令人一眼難忘，除了真的極似偉仔之餘，又多了一份詼諧感，相當爆笑；製作組逐要求祖藍相隔約十年後追加扮演偉仔，祖藍有感自己「話曬老咗十年」，故提議扮演電影《金手指》中的梁朝偉，並笑言：「呢個有信心啲，希望大家唔好柴台啦。」
（點新聞特約記者陳惠芳報道）
相關報道：
