中年好聲音2｜陳蒨葶8強止步 譚輝智首唱《抉擇》獲高分
【點新聞報道】歌唱真人騷《中年好聲音2》，昨（10日）晚一集最終樂章第一回《八強戰！霑叔金曲永垂不朽！》，9強選手獻唱已故黃霑創作的金曲爭奪8強席位。
昨晚表現最亮眼一位是譚輝智，獻唱林子祥《抉擇》的他再玩踩鋼線，膽生毛的他透露賽前從未唱過這首歌，他笑言：「第一次唱呢隻歌，係睇歌詞而定呢首歌，因為好想唱一首勵志歌，同埋啲歌詞又真係幾易記，多謝霑叔！」以全白Look上陣、化身白馬王子的輝智，其深情演出獲得一致好評，肥媽大讚：「你今日冇晒啲懶音，同你初初嗰時係兩個樣！」陳慧嫻說：「鍾意你嘅地方係你每一句、每一個字都有諗過點去表達同發音，冇諗到你連個『的』字都有方法令人留意到你係點唱！」最終輝智斬獲全晚最高分的92分，並第四度獲得MVP。
同樣獲得89分的黃劍文和顏米羔，昨晚的表現亦相當不俗。黃劍文自彈自唱《仍然記得嗰一次》大晒Sweet爆一面，陳慧嫻笑言：「我對民歌情有獨鍾，你一開始有民歌嘅Feel已經好鍾意，突然間Albert Au（區瑞強）上身。
而獻唱《忘盡心中情》的顏米羔亦獲好評，伍仲衡說：「唱得唔錯，尤其是個頭開得好好，鬆咗好多，冇咗以前嗰種挑機感覺。」肥媽說：「米羔叻咗好多，佢以前日日都殺父仇人咁款，唔可以拎Johnny哥哥（葉振棠）同你比，你有自己Style，同埋又唱到隻歌嘅感情出嚟。」至於獻唱《星夜星塵》的陳蒨葶表現未如理想，僅獲得全晚最低分的78分，最終在累積排名榜包尾，止步9強。
（點新聞特約記者陳惠芳報道）
相關報道：
