欲續在建造業發展 吴浩康拉攏爸爸開公司
【點新聞報道】藝人吳浩康（Deep）到地盤打工被封為「真漢子」，他今日（3月1日）到上水出席建造學院舉辦的活動，與學生分享做地盤工作點滴，又即場獻唱兩首歌，大受台下學生歡迎。
Deep透露地盤工作在上月15日才開工，皆因近幾個月多了很好的商演、活動、春茗等工作，令他十分感恩。Deep更表示有意進修建造業，好想繼續在這行發展，但進修需和工作時間分配好。
Deep的父親做吊機工程，問他為何不承傳爸爸事業？他表示：「因為原本冇諗過做咁耐地盤，諗住有戲拍就唔做，點知做咗個責任出嚟，爸爸嗰行技巧性多啲，遲啲自己會開工程公司同爸爸嘅公司合併，佢想退休，但我唔畀佢退休，因為公司都要有人打理，佢想湊孫，但佢才華多冇辦法。」談到太太和兒子很旺他，他坦言：「所以好大動力。」形象正面的Deep，透露在街上遇到很多笑容，「之前形象差，人哋反應會爭啲，依家好似發夢咁。」
Deep又自爆曾投資音樂及內地企業培訓生意損失二百萬元，他稱：「好彩冇爭人錢，雖然未搵番，但慢慢回到血，可能一年內可以搵番，依家係成個人生形象高峰。」
（點新聞特約記者陳惠芳報道）
相關報道：
