中年好聲音2｜搣甩王傑腔 顏米羔柔情打動評審（附十強名單）
【點新聞報道】歌唱真人騷《中年好聲音2》，昨（25日）晚上演第十部曲《雙語之歌，累積排名榜十強隆重登場！》下半場，這晚最亮眼選手是顏米羔。
顏米羔獻唱王傑名曲《幾分傷心幾分痴／一場遊戲一場夢》，他笑言：「呢首歌由細聽到大，次次唱都會變王傑聲，細個好鍾意模仿，今次試吓挑戰搣唔搣得甩（王傑腔）！」米羔最終獲得91分不俗成績，伍仲衡笑言：「我鍾意喎，我上一回合話你有少少殺父仇人感覺，你今次搣甩咗喎，聽到顏米羔嘅柔情，呢個係一個好好嘅方向，情歌係要咁唱。」陳慧嫻說：「呢隻歌你放輕聲音去唱，聽到另外一個米羔，而呢個米羔係更加好聽。」
昨晚最後兩位登場的陳蒨葶及陳燕娜，兩人不約而同僅獲82分，與上半場同獲82分的鄭梓浩齊齊跌入危險區，氣氛緊張！獻唱《小城大事／大城大事》的陳蒨葶坦言以「跳樓」心態演繹歌曲，惟因演繹的版本太過Dark，不太受評審青睞。獻唱《原諒自己／半途而廢》的陳燕娜則因唱得太似王菲而未能獲得高分，經過評審退庭商議，最終鄭梓浩、陳燕娜冇得留低，陳蒨葶逃出生天！
至於上半場獲得93分的古淖文最終獲頒MVP，是次是他第二度獲得MVP，對此古淖文興奮表示：「今集對我非常特別，第一次以Solo姿態拎咗9字頭嘅分數，特別想多謝一個人，佢係我音樂上最大嘅後盾，佢就係小辣椒谷婭溦老師，佢幫我改善咗啲咬字同江湖味，多謝你小辣椒！」
十強名單終於出爐：古淖文／劉威煌／顏米羔／安雅希／黃劍文／譚輝智／沈宗賢／陳俞霏／林若盈／陳蒨葶。
（點新聞特約記者陳惠芳報道）
相關報道：
