斥恃老賣老1人霸2個關愛座　港女網上公審東鐵大叔

公共交通工具的「關愛座」不時引起「罵戰」，更常被拍片放到網上遭到「網絡公審」。有女網民早前在fb群組「馬鞍山之友2.0」發文指，東鐵車廂內有坐在關愛座的大叔1人霸兩個位，「呢位阿叔話佢件貨好重，個優先座唔肯讓老人家坐，叫位老人家去前面坐半價，留返個位比佢個袋坐，咩道理」，從其上載的相片可見，有位頭戴黑色Cap帽及口罩的大叔坐在東鐵關愛座上，旁邊的關愛座就放了一個粉紅色大袋。樓主直斥該名大叔恃老賣老，遂在網上發相公審他。

不過，有網民認為樓主不應在網上公審別人，「得一張相，影唔到附近有人要企，你講乜都得啦」、「又係你呢啲人，齋影相post上嚟乜都唔做」。樓主隨即反駁，「你要咁講就攞嚟拗，冇人企就可以放個袋係到？」、「出咗聲啦，扶老攜幼，阿媽叫我算數，唔好新年流流同人嘈，先唯有放個post宣泄下」。

另有不少網民斥責該大叔行為自私，「重咪放地下」、「將袋放響櫈上面係壞習慣」、「係咪畀咗兩份錢先」。有網民則提議「咁你幫幫佢老人家搬近落車門！落車唔使拎咁遠」。