個唱4月補場再加一場 炎明熹稱請嘉賓頭痛籲fans留言
【點新聞報道】原定去年10月8日舉行的《炎明熹Gi-FORCE演唱會》，尾場因受颱風影響而臨時取消，主辦單位今日（9日）向外公布有關補場安排，並同時宣布Gigi將於4月13至14日，再次在九龍灣國際展貿中心匯星舉行兩場演唱會。
雖然去年未能順利完成兩場演唱會，但Gigi曾經講過，相信這是上天給她最好的安排，令她有更充裕的時間，好好裝備自己，將更好的演出呈現給觀眾。
「唔係話專登講啲說話安慰自己，的確係可以再做好啲，所以今次再開，雖然演唱會主題冇變，但歌單、衫、編排上，會同上次有少少唔同，我同演唱會團隊所有人，都希望可以再做好啲。」
主辦單位現安排4月14日為補場場次，同時加開4月13日一場，門票於2月26日公開發售。「要多謝公司對我嘅信任，聽到呢個消息，內心好興奮，同時亦都有壓力，完成埋手頭上傾好嘅工作，我就會開始閉關，做運動、練歌，同埋而家最頭痛係請邊個做嘉賓，如果大家有好嘅提議，可以去我社交網站留言話我知。」Gigi說。
有關補場安排，所有持有2023年10月8日完整門票（連同票根）的觀眾，可憑票於2024月4月14日直接進場欣賞補場，觀眾可按原有座位觀看，無需更換門票。所有經由快達票購買門票的觀眾，如未能出席4月14日補場場次，可選擇更換2024年4月13日場次，或申請退款。
（點新聞特約記者陳惠芳報道）
相關報道：
