當「尾場」Twins破例請嘉賓 關智斌三連側手翻震爆紅館
【點新聞報道】TWINS SPIRIT演唱會昨晚（4日）來到第12場，未終極加場之前，這日原本來是尾場，所以昨晚TWINS也很公平，用尾場的力去答謝搶到這場飛的觀眾。
Twins帶給大家一個非常意外大驚喜，設定沒有嘉賓的演唱會，請來了特別嘉賓關智斌(Kenny)，安歌時當Twins提到Kenny，全個紅館已經被叫聲炸裂。阿Sa即起哄帶觀眾大叫「關智斌！關智斌！」
Kenny就由第一行觀眾直接跳上台，「大家好嘛！我把聲沙沙哋呀！大家ok嘛？」阿Sa：「唔緊要啦，你係唔會聽到自己唱乜㗎，因為佢哋(現場觀眾)好大聲㗎！佢哋每晚郁都好似要『鍊』贏我哋㗎！哈哈！」阿嬌：「你係我哋第一個嘉賓呀。我哋今次演唱會係冇嘉賓㗎！」全場又狂歡呼。Kenny：「我可唔可以扮轉上嚟呀？比我感受下真正嘉賓待遇，再得到大家歡呼聲！」然後Kenny就踎低扮自轉上台，非常搞笑。
阿Sa笑道，「做我哋朋友真係同我哋一樣咁無聊㗎，哈哈哈。」接着三人一同演繹了《死性不改》，全場萬人更跟着大合唱，而台下霍汶希(Mani)更大叫。Kenny更表現側手翻，Kenny：「側手翻？真係？一陣先啦！哈哈哈....」當觀眾以為他不會打側手翻時，唱到一半《LALA世界》，Kenny就連打三個單手側手翻，紅館即時歡呼似地震一樣。
TWINS SPIRIT演唱會共14場，眨眼就只剩下兩場演出，阿Sa阿嬌昨晚於台上都表示開始不捨得了，雖然很累，但已經開始有演唱會後遺症。阿嬌更說因為晚上不停翻睇自己演出的片段太開心睡不着，「我依家好鍾意開演唱會呀。」阿Sa：「咁不如我哋第日再開一個sidetracks演唱會啦!」歌迷即報以歡呼，大叫：「好呀好呀。」
（點新聞特約記者陳惠芳報道）
相關報道：
