阮民安賣貴價盤菜昆水魚　網民：「cls成千蚊食啲咁嘅嘢」

農曆新年將至，「奀星」阮民安趁團年又賣人血貴價饅頭，講嘅就係賣盆菜喇。阮民安日前在社交平台宣佈，同「徐媽媽」合作搞盤菜，叫「手足們！唔該做嘢！！！」喎。不過，連登網民唔多BUY，揶揄「出返嚟幾個月已經不停講錢都仲有人信」、「唔講金，唔通講心？」、「冇錢點同馬會交流」、「要賭嘛」、「唔眾籌邊有錢賭呀？」

阮民安在帖文大賣廣告，貼出名為「徐遇而安」一家平安·龍年大盤菜的相片，指限量200盤，承惠港幣$1099（4位用），運費另付。佢話會請埋「小朋友」幫手，等佢哋可以過年前搵返啲生活費，之後仲戴定頭盔話「咁如果中間有多少甩漏，咁多位哥哥姐姐都可以俾下意見佢哋嘅～」。

有網民將帖文轉發至連登討論區，不少人留言嘲諷「cls成千蚊食d咁嘅嘢」、「Ｘ啲無腦黃絲水魚啫」、「仲要人俾運費」、「隻曱甴次次都係用呢招，真係當人傻，演唱會又係一開賣就賣晒咁滯，搵人幫佢掃埋佢」。有網民直指，「認真好多人恃住自己『黃』就好無禮貌，覺得人人都要就晒佢同埋無限包容佢地既錯漏」。