中年好聲音2｜夥「和音之鬼」李佳合唱 陳俞霏爆招牌絕殺
【點新聞報道】歌唱真人騷《中年好聲音2》，本周日（21日）晚將播出的一集是《中一生助陣人生之歌！爭入十四強！》，繼續有肥媽、伍仲衡、張佳添、周國豐和陳慧嫻擔任評審。本回合將分成上、下半場進行，15強「中二生」孖住「中一生」合唱爭入14強，沉寂多時的陳俞霏大爆發，孖住「和音之鬼」李佳合唱《姊妹》。
出名Hyper的俞霏在李佳神助攻下，將招牌「俞Chill風」絕殺發揮得淋漓盡致，唱跳之餘，還大曬親自創作的Rap，表現亮眼，獲張佳添及周國豐大讚。曹敏寶及陳蒨葶同樣搶眼，兩位靚女跳唱《信自己》非常落力兼盡顯青春活力，張佳添笑言：「兩位《聲夢傳奇》學員你哋係咪入錯廠？嗰種青春活力我唔相信係《中年好聲音》，十個字送曬畀陳蒨葶，青春、活力、動感、養眼、自信。」肥媽則說：「初初話蒨葶似鄭秀文，NO！你係你自己。」
另一個是有「顏志恒2.0」之稱的顏米羔與顏志恒終極合體，兩位顏氏宗親化身Band仔獻唱《幸福之歌》，激情四射的兩人唱到青筋暴現。伍仲衡則說：「米羔把聲好啱唱band sound，你把聲好有火同埋有少少反叛，唱呢首歌就好表現到你嘅態度。同埋要讚讚顏志恒，你和音進步咗好多，我記得你之前話唔識唱和音㗎喎。」
（點新聞特約記者陳惠芳報道）
相關報道：
