Twins Spirit演唱會加開終極場 門票兩小時內全部售完
【點新聞報道】Twins Spirit演唱會今日（12日）加開終極最後兩場，九成門票進行公售，兩小時內全部售完。收到如此好消息，阿Sa（蔡卓妍）與阿嬌（鍾欣潼）都非常開心，為答謝歌迷支持，提早把演唱會紀念T-shirt穿上身演示給大家看，歌迷一見貨版又即大叫，「嘩，撲完飛又要撲衫！好靚呀，唔好限量呀，好驚買唔到。」
最近Twins每日都為演唱會籌備綵排，由早忙到晚，練歌排舞開會，行程密麻麻，每日也過得充實而開心，阿嬌表示：「因為好多謝歌迷咁支持，所有其他工作都暫停曬啦，現時火力全開為演唱會排練，本來諗住冇咁早公開紀念品，不過今早排練時，聽到咁好消息，兩個鐘售完，真係好感動，今日又啱啱收到紀念Tee個樣版，所以即刻同阿Sa換件紀念版畀大家睇，係咪好靚，哈哈。」
阿Sa亦說：「係咪好靚？同出面一般Tee唔同㗎，係長身少少，因為我哋覺得長身少少，着起嚟易襯好睇。為咗呢件Tee，我哋版形都改咗幾次，用我哋兩個屋企自己最鐘意的T-shirt版形跟住度長度，所以着上身係絕對靚靚，哈哈。」
相關報道：
