欲移英港人嫌當地人工奀　網民嘲「有好工又未必輪到你」

移民英國後從事低技術工作早就不是新聞，但有計劃移民的港人卻死要面，話想喺當地搵份體面的工作，上網一查發現英國的IT 及教師工作的人工好低喎。不少網民揶揄「明明個個話『做倉』都夠食，邊會人工低？！」、「有好工又未必輪到你」。

該名港人在移英圍爐群組發文話，自己在香港嘗試搜尋英國的IT及教師的工作，但發現「人工得22K per annual，人工好低」。他質疑「IT and teaching 算係decent嘅工，點樣人工會咁低？」於是抱有希望咁問其他網民「係咪其實英國文化會入職後做返一兩年加薪好快」喎。

不少網民留言點醒樓主，「發緊夢⋯22k仲未計稅喎」、「邊個話I.T.人同教書佬係『decent』？ 要搵錢就做金融做基金行政總裁」、「老師一定唔decent，係dirty work就真，而且半職人工教師係英國係常事，重有係英國你用香港套教書方法，一定比人告死，大聲啲鬧吓，唔少心有啲歧視嘅字眼，都告得。」

另有網民揶揄樓主自我抬身價，「你睇下英國high street的舖頭，或者的office，10間有5間吉嘅就知咩事。有嘢你做都偷笑啦」。