潛行｜七月展開巡唱 劉德華申請紅館跨年檔期
【點新聞報道】劉德華監製及主演的電影《潛行》，早前在內地上映狂收近三億人民幣。香港將於明日（11日）上映，電影昨日（10日）舉行首映禮，劉德華與彭于晏兩代型男同時現身，掀起全場數百名影迷尖叫歡迎。
劉德華在《潛行》飾演反派，他與老拍檔林家棟先後合作18次，事隔10年再度合作，劉德華直言好友變化甚大：「呢10年其實佢有好多唔同類型嘅作品，佢能夠掌握到好多唔同類型嘅角色，今次嘅演出真係100分啊！」林家棟感謝劉德華的稱讚，亦笑指：「佢畀咗個仔我！因為角色比較難，情緒複雜啲、矛盾好多，對朋友、家庭、上司下屬，今次佢設計個劇本其實係考牌囉！」
彭于晏首次與劉德華、林家棟等多位影帝合作，他直言壓力甚大，亦慶幸自己能夠成為團隊的一份子、演出自己喜歡的角色，希望大家欣賞自己的演出。他表示謝票工作要交由監製劉德華安排，華仔則表示：「會！我盡力！」彭于晏被問到對兩位影帝私下的面貌時，林家棟笑言：「要小心的說喔！」彭于晏則笑指：「私底下的他們是非常可愛的！工作上就非常認真！」
近日劉德華另一部主演作品《金手指》票房成績驕人，作為《潛行》的監製，劉德華自言感到壓力：「有！大家多啲嚟支持啦！」至於力谷票房的法寶，劉德華笑着反問：「有法寶㗎咩？我有咩福利睇呀？（望向彭于晏）係都睇佢啦！」劉德華聽見男演員流行「曬肌」派福利照，劉德華笑指：「甚麼？現在已經到這個樣子了？」彭于晏亦不多推搪：「我現在沒甚麼肌肉，我去練一下！」
此外，劉德華又透露將舉行巡迴演唱會：「七月會巡迴；而家申請緊、啱啱入咗紙12月，（林家棟：留飛呀！）未知批唔批。我而家入咗紙申請，希望可以盡快知道可唔可以12月跨年度聚會。」至於目標場數，華仔表示：「睇下有幾多日啦，同埋話要做幾日抖一抖，唔係一條氣落會好啲咩？（可以連續幾多場？）我點知啊！」
（點新聞特約記者陳惠芳報道）
相關報道：
