移英小孩練琴遭鄰居投訴　港媽鵪鶉「唔知點回應」

難道真的以為拿着BNO飛去英國，人家就會當你上賓看待咩！話說有移民英國的港媽日前在網上大呻，孩子在家練琴，被鄰居情侶投訴騷擾，令她感到十分無奈，只能在網上搵人圍爐求救。不少網民就奇怪話「又話外國人好nice嘅，唔係㗎咩」、「肯定假㗎啦，喺外國點會連彈琴嘅自由都冇呀」、「喺香港就咁多歪理過到去又唔據理力爭？只能一世做鵪鶉！有guts 就唔使上FB圍爐群組問人啦！」

該名港媽在fb群組「香港人移民英國資訊分享」投稿求救，話今年買咗並搬入新屋，係一間semi -detached(半獨立屋)，小朋友每日都早上11時到晚上約7點，會練4-5次琴，每次彈1至2首3分鐘的歌。就係咁，港媽的鄰居、一對30零歲本地情侶就敲門投訴喇，「敲咗2次門，叫我唔好再彈，（仲要一句 thank you都冇同黑晒面）」，原因是會騷擾到他們Work from home（在家工作）。

其後，港媽更在信箱收到鄰居寫給她的信紙，內容是要求不要再在辦公時間練琴，「佢哋Work from home好大壓力，每日9點到晚上5半都唔好再彈」，港媽就覺得好無奈唔知點回應喎。