（有片）台灣快閃拍MV Twins踩足21小時又癲又興奮
【點新聞報道】Twins於將明年一月舉行的《TWINS SPIRIT演唱會》由原來六場一加再加，兩次加場均極速售罄，最後加至12場，打破他們出道以來的紀錄。22周年主題曲《雙喜樓》早前已推出，MV昨晚（21日）正式上架。
今次MV特別到台灣拍攝，離雖是快閃，阿嬌坦言未出發先興奮，「好耐都冇去過台灣啦，所以有啲興奮，因為好掛住台灣嘅小食，不過時間有啲短，哈哈。」阿Sa蔡卓妍則謂很久沒有拍自己MV，「一聽呢首歌個demo，已經覺得好正、好有演唱會嗰種氣氛，同埋係好『Twins』。再夾埋呢份詞都好鍾意，因為聽填詞人先生講《雙喜樓〕呢個名，話佢十幾年前已經好想寫俾我哋。《雙喜樓》顧名思義就梗係講我哋兩個啦，成雙成對，同埋我哋廿二周年呢個日子，Twins Spirit嘛，yeah！」阿嬌表示很久沒試過跳住舞拍MV，「今次特別請咗之前為綜藝節目《乘風破浪的姐姐》嘅舞台總監為我哋排舞，『姐姐』嘅感覺即刻返晒嚟。」
阿Sa表示MV講述她們想準備一份禮物送給大家，她最喜歡是MV導演設計的巨形「囍」字隧道。問到難忘及蝦碌事，阿Sa謂這個MV拍了21個小時，笑言：「拍到人都癲！」而阿嬌則被香檳噴中眼睛，「最尾開香檳嘅時候成支香檳噴咗落塊面度，我係完全開唔到眼，可能大家留心啲睇嘅話就會見到我隻眼係開唔到，哈哈。」
（點新聞特約記者陳惠芳報道）
更多閱讀：
