「超人」現身屯門搭輕鐵 校服女生開懷大笑
「超人」出沒注意！近日網上瘋傳屯門驚現「超人搭輕鐵」的相片，有校服女生被逗笑，車廂內外充滿歡笑聲。網民紛紛大讚「好正」、「套衫好靚喎」、「辛苦晒超人，帶畀我哋歡樂」。
有網民日前在fb群組「真·屯門友」發文話「今日喺市中心輕鐵站見到超人，原來超人都會攰，都要飲水，都要坐㗎」。相片可見，有街坊穿上全套超人托利加Cosplay，開啟胸口和額頭能量燈，並在屯門區輕鐵站上車，他手持一個裝有支裝飲品的膠袋，站在一名穿校服的女學生面前，正在玩手機的女生，見到超人時呆了一呆，最後亦被逗笑了。另外，超人「攰了」在一個座位坐下，鄰座女子同樣笑開懷。
帖文引來不少網民熱議，話屯門友真係好鍾意扮鬼扮馬，已經不止一次有屯門居民見到「超人」出沒，「好多妹豬搵佢影相」。
