（有片）外婆入ICU　軒仔澳門騷集大愛歌獻婆婆

【點新聞報道】張敬軒於澳門舉行十三場《The Prime Classics張敬軒澳門演唱會》昨晚（15日）正式開鑼，英皇集團主席楊受成及太太陸小曼、霍汶希（Mani）率領旗下藝人過大海捧場。

軒仔以《迷失表參道》及《酷愛》為演唱會打開序幕，氣氛瞬即燃爆。唱完兩首歌後，軒仔多謝每一位撲飛的朋友，及每一位肯將自己門票賣回給他的朋友，他更大聲宣布：「我終於夠飛啦！」他續謂：「我老母……唔係，我阿媽……」全場頓時嘩聲四起，軒仔：「自古以嚟，由京劇開始，媽媽係稱之為『老母』。我阿媽終於唔駛日日好似唐僧對住孫悟空『咦咦哦哦……』」

軒仔提到早幾天是他中學校慶，因籌備這次演出未能出席，但看到同學們發過來的相片，令他想起中學時一份甜蜜蜜的「初戀」，他說:「唔知係咪因為青春期，我第一次對一個人有咗感覺。但細個嘅時候媽媽管得好嚴，成日都講：『你唔好早戀呀、唔好拍拖呀。』我喺度諗：『如果當時夠勇敢開口去話俾你聽我鍾意你。』嘅話，我而家嘅人生會唔會好唔一樣呢？」

演唱會上，軒仔請現場幾千名觀眾投《隱形遊樂場》一票，「我首歌已經入咗叱咤樂壇頒獎典禮十強啦！跟住就會開始投選五強，大家投多我一票好唔好呀？」他提到身處娛樂行業廿二年，時間飛逝，接着純粹問一下00後的歌迷請舉手，誰不知眾多歌迷舉手。他望向遠處見一名小朋友揮手，便問到：「你幾多歲呀？六歲！即係17年，嘩！好嘢喎！你都做得我孫啦喎。我應該係呢個行業現存第一個『爺級』歌手。」

演唱會來到尾聲，他唱出最後一首歌《櫻花樹下》前透露他的婆婆入了ICU，他希望將這首歌送給婆婆及自己，「演唱會之前，我有個屋企人今晚喺ICU，係我嘅婆婆，雖然我哋冇直接嘅血緣關係，因為我媽媽係孤兒，佢係收養我媽媽。我好想將我哋今晚咁多現場觀眾嘅愛、大家集氣，佢仲有兩日就生日啦，好想佢可以渡過呢個難關。以下呢首歌，我送俾自己，亦都送俾婆婆。」

（點新聞特約記者陳惠芳報道）