爆裂點|張家輝重提拍片斷手指 林超賢反要影帝半個獎
![](https://dw-media.dotdotnews.com/dams/product/image/202311/29/65671ed4e4b0d9b5564090bf.jpg)
【點新聞報道】英皇電影《爆裂點》昨日(28日)舉行首映禮,楊受成聯同監製兼總導演林超賢、主演張家輝、陳偉霆、譚俊彥、梁洛施及周秀娜等演員一同出席,陣容鼎盛。張家輝重提他《激戰》斷手指之事,林超賢指家輝封帝該分半個獎給他。
張家輝首映上重提拍攝《激戰》期間左手手指被打斷的事,笑言:「每晚採礦嘅時候,我都會諗起林超賢!同埋當我一經過屋企個櫃,見到擺住一個個獎座,都會諗起佢!」他更表示林超賢為人感性,每次見到拍攝角色死時都會哭,演技非常好!林超賢不禁回敬一句:「你有半個獎係我嘅!」家輝再開玩笑指:「睇下我哋邊個走先,如果你走先、我畀半個獎座你陪葬!」
張家輝與片中演反派的譚俊彥有多場打戲,他說:「結局喺馬來西亞個山洞裏面打咗七日!香港就間歇性嘅,第一日同阿Sean(譚俊彥)喺和合石墳場,38度下打咗兩三日!」林超賢曾透露自己在馬來西亞拍攝期間扭傷腳腕,當成償還當年張家輝在《激戰》期間打斷尾指,張家輝聽後笑指:「我同佢有咩還唔還呀,是但啦!佢都唔係有心還嘅!從我細個入行電視台到出嚟拍動作戲,擦傷扭親就經常有,都好難避免!希望唔好有啲好大嘅創傷就已經好好!」
譚俊彥與陳偉霆多年前曾合作拍戲,譚俊彥表示:「今次再合作其實個初心都仲喺到,大家都冇乜點變過,雖然成部戲(拍攝)時間好長,都算艱苦,但係好值得回憶!」譚俊彥近日於《新聞女王》劇情其中一幕,在車房裏拍攝,被指致敬父親狄龍在《英雄本色》裏的經典場面,他笑言沒有想過致敬成分:「可能車房加埋個造型,大家就會咁諗。其實唔止網民,連我開工啲工作人員都問係咪好似《英雄本色》,我冇諗過,但佢哋聯想我都覺得幾得意!」
![](https://dw-media.dotdotnews.com/dams/product/image/202311/29/65671f6be4b0d9b5564090f3.jpg)
(點新聞特約記者陳惠芳報道)
相關報道: