AK與麻利同框緋聞被翻炒 反擊轟粉絲多管閒事
【點新聞報道】男團MIRROR成員江𤒹生（AK）自2021年開始與DJ麻利傳緋聞，二人多次否認拍拖。近日，《全民造星》出身、又係AK好兄弟的舞蹈員Tank，與成班好友去日本富士山旅行，更同女友方方（方芷欣）求婚。有網民發現AK同麻利一齊去為Tank助陣，二人時隔多時再次合照，被質疑AK並非單身。
AK隨即回應轟有「生粉」多管閒事，將自己幻想當成真：「同行就叫拍拖咩？tank求婚，佢想佢身邊愛嘅人出席有咩問題？我同邊個做朋友亦有我自由，我做藝人唔代表你哋可以干預我嘅交友圈子。唔好自己覺得咩加個故事就當係」，「由頭到尾都係你哋自己幻想，然後仲要攻擊我朋友，我已經唔出聲。Yes，我哋係以family相稱，代表我哋感情好好有咩問題？」
AK激動表示自己已經忍了好久，強調男女間並非只有愛情：「我忍咗好耐，一直唔出聲，唔該大家唔好咁無聊，男女之間一定只係得愛情咩？你哋要點諗我無所謂，因為點講都有人會唔明，但我只係過自己想過嘅生活，同我嘅朋友一齊經歷每一個人生重要嘅moment。」
（點新聞特約記者陳惠芳報道）
相關報道：
