曾遇心儀女生　姜濤計劃30歲成家想生女

【點新聞報道】鄭裕玲（Do姐）在社交平台上開個人頻道訪談藝人，此次訪問對象是MIRROR成員姜濤，這也是姜濤第二次受訪，但他見到Do姐時依然緊張。

姜濤說他是獨子，自小受父母教導不要容易信人，即使現在容易交朋友，但亦因入行內身邊太多人，反而令他不識判斷人。姜濤感情世界一直備受關注，Do姐問及時他直言喜歡小朋友，尤其鍾意女孩，Do姐即刻問到：「你渴唔渴求結婚㗎？」姜濤心急秒答：「我點都會結婚，我應該幾早結婚。」他續言因父母感情麻麻，令他嚮往有個好家庭，現年24歲的他，希望30歲左右結婚，但一切隨緣卻不會太遲結婚，擔心同子女有代溝。

一向喜歡可愛型女生的姜濤，被Do姐直接問他可曾遇過令他心動的女仔，姜濤即答：「當然有！」又掩住嘴笑。原來他曾經遇過心儀女生，他沒膽量開始，但亦不抗拒拍拖。他說:「睇緣分啦，但如果有（對象），我覺得，唔理啦，可能我都會唔理，我會。」不過他亦明白另一半會有壓力。

姜濤自爆想30歲結婚，並希望有個囡囡。姜濤形容經理人花姐是他第二個阿媽，會跟她分享內心秘密，可是他不聽話。被問到若然有日花姐離開公司，他怎麼辦？姜濤表示會學識接受：「都應該，其實佢都攰，係時候休息吓，因為佢同時處理我哋十幾個人，冇自己生活，如果有日離開，都要學識接受，唔好依賴，唔好挽留。」

姜濤直言出道以來都算順風順水，但亦做錯過事，例如年初時個人狀態同情緒宣洩處理不好。但他沒後悔，更直認個性反叛。他最鍾意作品《鏡中鏡》就是最受爭議。Do姐認同他一旦出錯，全世界都會知道。姜濤聞言引用姜爸爸經常說的比喻，「要煮嘢食就唔好怕辣親手。」

（點新聞特約記者陳惠芳報道）