香港人在北京｜首次夫妻檔不同框　展鵬鼓勵單文柔再戰幕前

【點新聞報道】《香港人在北京》昨晚（9日）首播，是集最大彩蛋是陳展鵬太太單文柔（Phoebe）現身客串，更是他們首次夫妻檔演出。

Phoebe在劇中演老千，陳展鵬與吳若希（Jinny）演夫妻誤墮投資騙案，損失慘重。雖然二人在劇中未有同框，但Phoebe隔空搵老公笨劇情爆笑又驚喜。展鵬受訪時笑言：「今次係想畀個驚喜大家，Phoebe選完港姐之後就畀我私有化咗，佢其實一直好想拍劇，亦都係我嘅小fans，好希望可以同我合作。」

談到兩公婆未能同框，展鵬坦言老婆有點失望，身為愛妻號的他不忘搞笑安慰妻謂：「主要係我驚佢啲戲太好，會搶咗我啲戲！」問到太太拍攝前有否向他取經？展鵬說：「因為都係得一場戲同埋幾句對白，所以叫佢最緊要Enjoy個過程、淡定同熟讀劇本，知道場戲要做啲咩就OK。」

展鵬又謂絕對支持太太多點幕前演出：「一直都好希望身邊嘅人做到令自己開心嘅嘢，唔好太多拘束，依家小朋友都開始讀書，佢可以放多啲時間畀自己，做多啲自己想做嘅嘢。」

（點新聞特約記者陳惠芳報道）