誠意打動馮德倫任嘉賓 陳慧琳尾場喊：唔知仲可企幾多年
【點新聞報道】一連兩場《陳慧琳 Season 2 演唱會 澳門站》於昨晚（10月1日）在舉行尾場演出。兩場演唱會，Kelly得到好友馮德倫（Stephen）擔任特別嘉賓。
二人合唱《北極雪》後，Stephen說：「我唔單只好耐冇唱過呢隻歌，我仲要係好耐冇唱過歌。」Kelly即笑言：「聽得出！保持返20年前嗰個水準，都OK嘅。」Stephen聽到Kelly的美言，即道：「你就保持返20年前一樣咁嘅樣，跳舞又冇變過。」Kelly即指Stephen只要剃了鬍鬚，一樣有型，因為Keep得很好，Kelly更說：「你琴晚（前晚）嚟，男女都冧到爆。」而穿上樽領的Stephen，與穿上銀色高衩舞衣的Kelly，相映成趣，連Stephen也不禁笑說：「我有啲着多咗，應節《北極雪》諗住着好啲，點知你⋯⋯琴晚（前晚）見到咁樣，今晚（昨晚）諗住除咗條褲，但費事啦！」逗得台下歌迷笑聲不斷。Stephen更言應該合唱多首，結果二人再唱了《紀念日》。
久別歌迷，Kelly分享了自己的內心世界。她提及在初出道時，因為當時的經理人Paco幫她找了神算子算一算，指紅色最旺Kelly，所以出道時她由宣傳照到出席活動，都是以紅色裝束示人，結果紅足20多年，不過Kelly道：「其實我又唔係好信呢啲嘢，但又會諗返起，如果當年唔係着紅色，今日又輪唔輪到我企喺呢個台呢？又唔知可唔可以再企耐啲呢？」這時台下歌迷尖叫聲不斷，瘋狂叫喊Kelly的名字，看到如此熱烈的反應，Kelly最終忍不住哭起來，並說：「唔知仲可以企多幾多年呢？呢啲都係唔好諗咁多喇，自然啲啦！」
完成兩場演唱會後，Kelly出盡全力唱到聲沙，但台下反應令Kelly開心興奮。她說：「因為終於放監可以食嘢喇！」問到是否在台上哭最為難忘，Kelly道：「好多都好難忘，我冇預自己會喊，仲諗住唔會喊㗎啦！但見到咁多Fans支持忽然間有少少感觸，但有叫自己唔好喊，因為我要繼續唱歌，所以最終都收拾心情。」而這次邀得Stephen做嘉賓，也絕非易事，Kelly說：「其實我3個月前就已經搵佢做嘉賓，他考慮了一個月至答應，因他太耐冇唱歌，我就用誠意打動咗佢，我就話你鍾意唱邊首都得，我可以同你一齊唱，佢最後就話好啦!」
除了歌迷，屋企人亦因為假期有前來澳門看Kelly的演出，而且看得很開心。Kelly透露：「稍後會去美加，星馬等地，香港應該明年年底，呢段時間再儲多啲靚歌。」
（點新聞特約記者陳惠芳報道）
相關報道：
