香港人在北京｜陳展鵬大講惹笑港普　吳若希升呢首當女一

【點新聞報道】無綫電視劇《香港人在北京》將於10月9日在翡翠台播映，主要演員包括陳展鵬、洪永城、吳若希（Jinny）、蔡潔、戴祖儀、傅嘉莉、吳業坤和陳星妤等。

該劇主要講述一班香港人在北京生活遇到的趣事，陳展鵬飾演的角色事業原本一帆風順，卻因其太太（吳若希飾）投資失敗損失慘重。此時他獲公司委派到北京公司出任CEO，以為翻身有望的他帶同太太北上發展，但實情是被昔日宿敵明升暗降被逼留在北京。另外演他弟妹的洪永城及戴祖儀各因不同原因去北京投靠哥哥，最終一家人集思廣益，發揮「唔得都要得」的香港人精神，將廢棄工廠打造成文創園。

展鵬今次搣甩暗黑風大秀喜劇細胞，除了會爆笑演繹港人在內地遇上的文化差異笑話外，還會大講惹笑港普。他受訪時坦言這是他一直期待的喜劇：「今次好多對手係完全未合作過，大家喺現場有好多火花。」講到劇中的爆笑港普，展鵬笑言：「好多年前喺內地拍戲時真係講港普，以前講同聽都有問題，宜家識多咗好多普通話，所以今次講返港普都冇以前咁淋漓盡致。」談到與吳若希首度合作便要飾演夫妻，展鵬大讚Jinny有天分：「佢係一個好有天分嘅歌手同演員，佢有幾樣嘢做得比我好，有一場戲佢要喺屋企好性感咁去勾引我，我從未見過咁嘅佢，佢拿捏得好好，反而我係有啲怕醜！」

Jinny今次是其入行13年首度升呢女一，問到心情會否特別緊張？Jinny笑言：「唔會呀，因為我每次做配角嘅時候都當自己係主角咁樣去做，由於接到角色時已經知道係一套輕鬆小品，所以演戲之前長期提醒自己，千祈唔好有包袱，要去到盡，唔得都要得！」

（點新聞特約記者陳惠芳報道）