炎明熹《Little Magic》成首支四台冠軍歌 演唱會邀兩前輩驚喜現身
【點新聞報道】正忙於個唱綵排的炎明熹（Gigi）傳來喜訊，她6月底推出新歌《Little Magic》，先後在中文歌曲龍虎榜、新城勁爆流行榜、以及勁歌金榜登上冠軍寶座，至今日（30日）榮登商台903專業推介冠軍歌，成為她出道以來首支四台冠軍作品。
Gigi即將在10月7日至8日於九展舉行一連兩場的《炎明熹Gi-FORCE演唱會》，正密集式進行綵排的她收到好消息，「當日收到《Little Magic》呢首歌，有少少擔心歌迷會唔會接納，因為支歌好少女味，節奏好輕快，同我本身個形象唔係太夾，哈哈！加上我換咗另一種唱腔，都驚大家唔認得我把聲。」Gigi說。
對於首次成為四台冠軍歌得主，Gigi將功勞歸功於一班幕後團隊。唱少女風作品得到歌迷受落，日後會不會唱更多類似曲風？Gigi有所保留說：「我仲係新人，應該嘗試更多唔同嘅曲風，慢慢摸索自己日後嘅歌路，所以唔同嘅曲風，唔同嘅音樂人，我都想嘗試同埋合作，正如嚟緊我嘅演唱會，特別搵咗兩位我好欣賞嘅前輩，做我嘅演唱會嘉賓，兩個都係第一次同台合作，我自己都好緊張，但我相信大家會有驚喜，希望歌迷會喜歡我呢個安排。」
（點新聞特約記者陳惠芳報道）
相關報道：
